Тошкентда тиббий ниқоб ва қўлқопларни ташлаш учун махсус қутилар ўрнатилмоқда
Тошкент шаҳрида тиббиёт чиқиндилари — тиббий қўлқоплар, ниқоблар ва бошқа ҳимоя воситалари утилизацияси учун мўлжалланган махсус қутилар ўрнатилмоқда. Бу ҳақда Экология ва атроф-муҳитни муҳофаза қилиш давлат қўмитаси матбуот хизмати хабар беради.
Хабарда таъкидланишича, коронавирус пандемияси туфайли тиббиёт чиқиндилари мисли кўрилмаган даражада кўп ҳосил бўлмоқда.
"Мамлакатимизда ҳеч қачон бу қадар кўп дока ниқоблар, резина қўлқоплар, ҳимоя воситалари ишлатилмаган. Уларни ишлатиб бўлгандан кейин маиший чиқиндиларга аралаштириш, асло мумкин эмас", дейилади хабарда.
