Туркияда эмланишни хоҳловчиларнинг навбати бир неча юз метрларни ташкил этмоқда

Бугунги кунда Туркияда коронавирус юқтирганлар сони 4,3 миллион кишини ташкил этади (дунёда 7-ўрин), шундан 36 мингдан ортиғи вафот этган. Шу пайтгача 12 миллиондан ортиқ одам коронавирусга қарши вакцинанинг биринчи дозасини олган.

Сўнгги бир ҳафта давомида Туркияда коронавирус ҳолати кескин ёмонлашди. Шунга кўра, Туркия Соғлиқни сақлаш вазири Фахриддин Кожа энди мамлакатда 55 ва ундан катта ёшдаги одамлар ҳам вакцина билан эмланиши мумкинлиги ҳақида баёнот берди.

Ушбу баёнотдан сўнг эмланишни истаган кўплаб фуқаролар Анқарадаги эмлаш марказларида узун навбат ҳосил қила бошлади. Ушбу давлатда фуқаролар Sinovac Biotech ва Pfizer Biotech вакциналари билан эмланмоқда.