Хориж воқеалари қисқа хабарларда: АҚШ Конгресси "миллий хавфсизликка жиддий таҳдид" ҳақида хабар берди
🔹 АҚШ Конгресси "миллий хавфсизликка жиддий таҳдид" ҳақида хабар берди. NBC News бу Россиянинг космосдаги ядро қуроли билан боғлиқлигини даъво қилмоқда.
🔹 Жанубий Корея Украинанинг идоралараро донорларни мувофиқлаштириш платформасига қўшилди. Сеулнинг таъкидлашича, платформа 2023 йил январида яратилган маслаҳат органи бўлиб, Украина иқтисодиётини тиклашга кўмаклашиш ва G7 мамлакатлари раҳбарлигида ишлашга мўлжалланган. Платформада Европа Комиссияси, Жаҳон банки ва Халқаро валюта жамғармаси ҳам иштирок этади.
🔹 Трамп сайловда ғалаба қозонса, у Россия ва Украинани тинчлик музокараларига қайтишга мажбурлаш учун икки томонга босим ўтказиш имкониятини кўриб чиқмоқда. Украинанинг музокараларга қайтиш қарорига АҚШ ҳарбий ёрдамни тўхтатиши таъсир қилиши ёки аксинча, Россияга Қўшма Штатлар томонидан Киевни қўллаб-қувватлаш кучайиши билан таҳдид қилиши мумкин.
🔹 Мармара денгизида турк байроғи остидаги юк кемаси бортида олти нафар денгизчи билан чўкиб кетди. Уларни қидириш бошланган.
🔹 Уммондаги сув тошқини қурбонлари сони 4 нафарга етди, улардан уч нафари болалар. Араб султонлигида душанба куни кучли ёмғир ёғди ва бир неча кун давом этиб, сув тошқинларига сабаб бўлди. Тошган дарёлар асосий йўлларни босиб, ўнлаб қишлоқларни ташқи дунёдан узиб қўйган.
🔹 Ҳиндистонлик аёл кремацияси пайтида ўзига келди. Тирик эканлигини билмай ёқиб юборилган берхампурлик 52 ёшли Бужи Аамма терисининг 50 фоизи куйиши билан касалхонага ётқизилган. Унинг турмуш ўртоғи тўшакда ҳаёт белгиларисиз ётган аёлига хайрлашув маросимини уюштирган. "Марҳум" дафн гулханида куя бошлаганида бирдан ўзига келган.
