Япония жануби-ғарбида ярим миллиондан ортиқ одам эвакуация қилинмоқда
Бугун Япониянинг жануби-ғарбий қисмидаги Кюсюда кучли жала туфайли 587 мингдан ортиқ одамни эвакуация қилиш ҳақида буйруқ берилган.
Япония метеорология агентлиги Фукуока, Сага, Кумамото, Оита, Миязаки ва Ямагути префектураларининг бир қисмида кўчкилар содир бўлиши ҳақида огоҳлантирган.
Кумамото префектураси расмийларининг айтишича, эрталаб соат 10:00 ҳолатига кўра, Ширакава ва Мифуне дарёларида сув сатҳи тошқин даражасидан кўтарилган. Кумамото префектурасининг Ямато шаҳридаги кичик дарё устида 37 метрли бетон кўприк қулаган.
Қурбонлар ҳақида маълумотлар йўқ.
