Афғонистонда аномал совуқда ўнлаб одамлар қурбон бўлгани айтилмоқда
Афғонистонда мамлакатнинг бир қатор провинцияларида кузатилаётган кескин совуқ туфайли камида 20 киши ҳалок бўлди, деб хабар берди TOLOnews.
Телеканалнинг қайд этишича, совуқ об-ҳаво қурбонлари асосан озиқ-овқат ва уйларини иситиш учун ёқилғи етишмаслигидан қийналаётган камбағал қатлам вакиллари бўлган.
Афғонистон матбуотига кўра, ғарбдаги Герат вилоятида 70 га яқин одам совуқ уриши туфайли касалхонага ётқизилган.
Шимолий-ғарбий Бадгис провинциясида совуқ 4 мингга яқин қорамолни нобуд қилгани айтилмоқда. Шунингдек, аёз минглаб гектар қишлоқ хўжалиги ерларига ҳам таъсир қилган.
