“Алпомиш” болалар оромгоҳида 165 нафар бола дам олмоқда
Самарқанд туманидаги «Алпомиш» ёзги болалар оромгоҳида айни пайтда 165 нафар бола дам олмоқда.
– Болалар учун таътилнинг энг қизиқарли даври бошланди, – дейди мазкур маскан раҳбари Сурайё Жонузоқова. – Оромгоҳимизда болажонларнинг мароқли дам олишлари учун барча шароит яратилган. Бу йилги мавсумда оромгоҳимизда 660 нафар ўғил-қиз дам олиши режалаштирилган. Малакали ва фаол етакчиларни жалб этган ҳолда ёшларнинг бўш вақтини мазмунли ташкил этиш, улар учун турли кўнгилочар дастурлар, спорт ва бадиий танловлар уюштириш борасида чора-тадбирлар режаси ишлаб чиқилган.
Компьютер хонаси, 700 дан зиёд китоб фондига эга кутубхона, спорт майдончалари ҳамда чўмилиш ҳавзаси болалар ихтиёрида.
Бахтиёр Мустанов.
