АҚШ президенти Дональд Трампнинг укаси вафот этди
АҚШ президенти 72 ёшли укаси Роберт Трампнинг ўлими ҳақида хабар берди.
Роберт Трамп 14 август куни оғир аҳволда Нью-Йоркдаги шифохонага ётқизилган эди. АҚШ президенти ўша куниёқ укасини кўришга борди.
"Юрагим оғриб, шуни маълум қиламанки, Роберт бугун тунда тинчгина жон берди. Укам мен учун нафақат жигар, балки яқин дўст ҳам эди. Ҳаммамиз уни жуда соғинамиз ва яна учрашишдан умидвормиз. Марҳумнинг хотираси доимо қалбимда. Роберт, мен сени яхши кўраман. Жойингда тинч ёт", — дейилади Америка етакчисининг баёнотида.
