AQSh prezidenti Donald Trampning ukasi vafot etdi
AQSh prezidenti 72 yoshli ukasi Robert Trampning o‘limi haqida xabar berdi.
Robert Tramp 14 avgust kuni og‘ir ahvolda Nyu-Yorkdagi shifoxonaga yotqizilgan edi. AQSh prezidenti o‘sha kuniyoq ukasini ko‘rishga bordi.
"Yuragim og‘rib, shuni ma’lum qilamanki, Robert bugun tunda tinchgina jon berdi. Ukam men uchun nafaqat jigar, balki yaqin do‘st ham edi. Hammamiz uni juda sog‘inamiz va yana uchrashishdan umidvormiz. Marhumning xotirasi doimo qalbimda. Robert, men seni yaxshi ko‘raman. Joyingda tinch yot", — deyiladi Amerika yetakchisining bayonotida.
