АҚШнинг Фулбрайт дастури СамДУ билан ҳамкорлик қилади
АҚШнинг собиқ сенатори Уилям Фулбрайт номидаги таълим дастури америкаликларга хорижда, чет эллик мутахассиларга эса АҚШда ўқиш, ўқитиш ва касб ўрганиш, инновацион кашфиётлар яратиш имконини беради.
АҚШ Давлат департаментига тегишли Фулбрайт дастурининг Жанубий ва Марказий Осиё бўлими бошлиғи Жулия Финдли хоним Самарқанд давлат университетига ташриф буюрди.
Университет ректори, Олий Мажлис Сенати аъзоси Рустам Холмуродов билан учрашувда меҳмонга вилоят иқтисодиёти, саноати, университетда кадрлар тайёрлаш, таълим сифати ва самарадорлигини оширишга қаратилган ишлар хусусида маълумот берилди.
Жулия Финдли хоним дунёда нуфузга эга бўлган ушбу дастурнинг Ўзбекистондаги олий ўқув даргоҳлари билан узвий алоқа ўрнатишидан мамнун эканлигини изҳор этди.
Дилмурод ДЎСТМУРОДОВ.
