Барак Обаманинг китоби сотувларда рекорд ўрнатди
АҚШ собиқ президенти Барак Обаманинг “Ваъда қилинган Замин” деб номланган китоби сотувларнинг биринчи кунида рекорд ўрнатди. Бу ҳақда CNN телеканали, китобни чоп этган Penguin Random House нашриёти тақдим этган маълумотга таяниб хабар берди.
Маълум қилинишича, 17 ноябрь куни АҚШ ва Канадада олдиндан буюртма берилганлар билан бирга 887 минг нусха китоб сотилган.
Обама китобининг биринчи кунги савдоси нашриёт компанияси учун рекорд натижа қайд этди. ОАВ маълумотларига кўра, Обаманинг китоби 2017 йилда сотувга чиққан ва савдонинг биринчи кунида 725 минг нусхада сотилган, рафиқаси Мишель Обаманинг “Тикланиш” номли мемуарларидан ҳам ўзиб кетган.
Барак Обаманинг “A Promised Land” (“Ваъда қилинган Замин”) мемуарларининг биринчи қисми 17 ноябрь куни савдога чиқарилди. Унда АҚШ собиқ президенти “ўзини шахс сифатида излаётган ёш йигитлигидан эркин дунё етакчиси бўлгунига қадар бошидан ўтказган ажойиб одиссеяси ҳақида” сўзлаб беради. Шу билан бирга, китоб Обаманинг сайловлардаги ғалабаси ва президентлик давридаги воқеаларга бағишланган.
