Булунғурда 1200 доллар эвазига фаррошликка жойлаб қўймоқчи бўлган поликлиника ходими ушланди
Булунғур туманида 1200 доллар эвазига фаррошликка жойлаб қўймоқчи бўлган поликлиника ходими ушланди.
Туман тиббиёт бирлашмасининг кўп тармоқли марказий поликлиникаси ходими 1200 АҚШ доллар эвазига маҳаллий фуқарони туман тиббиёт бирлашмасига фаррошликка ишга киришида ёрдам беришини айтиб, дастлаб ундан 400 доллар олади.
Орадан бироз муддат ўтиб, 800 долларни олаётган вақтида ДХХ ва Департамент ходимлари томонидан қўлга олинган.
Мазкур ҳолат юзасидан Жиноят кодексининг 168 (фирибгарлик) ва 211-моддалари (Пора бериш) билан жиноят иши қўзғатилган.
Ҳозирда тергов ҳаракатлари олиб борилмоқда.
