Дори воситаларини ноқонуний тарзда сотаётган “савдогар” ишига чек қўйилди
Самарқанд вилояти божхона бошқармаси контрабандага қарши курашиш ва божхона аудити бўлими ходимлари Самарқанд шаҳри ҳудудида ноқонуний тартибда дори воситалари ва биологик фаол қўшимчаларнинг олди-сотдиси билан шуғулланаётган фуқароларни аниқлаш мақсадида тезкор тадбир ўтказди.
Тадбир давомида Самарқанд шаҳри, Сўзангарон кўчасида жойлашган супермаркет ёнида фуқаро З.Р. томонидан “Samyun Way” ҳамда “V7” номли жами 200 қути, қиймати 27 миллион сўмга яқин дори воситаларини сотаётган вақтда тадбир иштирокчилари томонидан тўхтатиб қолинди.
Дори воситалари далилий ашё сифатида олиб қўйилиб, ҳозирда ҳолат юзасидан суриштирув ишлари олиб борилмоқда.
Самарқанд вилояти божхона бошқармаси ахборот хизмати.
