Фарзандингиз нега халқ ўйинлари эмас, компьютер ўйинларига қизиқиб қолган?

Бу ҳақда ҳеч ўйлаб кўрдингизми? Чунки ўсмир ўйнаётган компьютер ва телефон ўйинларидаги образлар, унинг тасаввурига бамисоли тошга ўйилган нақшдек муҳрланиб, унинг онгида бутун умр сақланиб қолади. Бу нафақат уларнинг ақлий, балки жисмоний ривожланишига ҳам зарар етказмоқда.

Ваҳоланки, биз болалигимизда турли халқ ўйинларини ўйнардик, жисмонан чиниқардик. Бугун техника асрида смартфонлар болаларимиз қўлидаги ўйинчоқ, қўғирчоқ ўрнини эгаллаяпти. Болаларни смартфонлардан чеклаш билан муаммони ҳал этиб бўлмайди. Чунки, ҳар қандай тақиқланган нарса кишининг унга нисбатан қизиқиши янада ортишига сабаб бўлади.

Шу боис, бу жиҳатни ҳам ҳисобга олиб, фарзандимизни тўғри тарбия қилайлик. Чунки халқимизда "Тарбия тақани тўғрилайди", деган нақл бор.

Отабек Салихов,

Самарқанд вилояти ИИБ ҳузуридаги ТБ ЎМИБ терговчиси.