Гагарин кўчасидаги ер қазиш ишларини тезда бартараф этиш бўйича тегишли кўрсатма берилди
Кеча, 23 ноябрь куни Zarnews.uz телеграм каналида Самарқанд шаҳрининг Гагарин кўчасида янги қурилаётган кўп қаватли уйга коммуникация тармоғини ўтказиш учун кўча ковланганлиги, йўлни ковлаганлар уни яна аввалги ҳолига келтириб қўйишни унутишганлиги хусусида мурожаат эълон қилинди.
Самарқанд шаҳар ҳокимлиги ободонлаштириш бошқармасидан маълум қилинишича:
“Шаҳар ички йўлларида ер қазиш ишларини ташкил этиш учун тегишли фармойиш, техник шартлар ҳамда ер қазиш ишларини амалга ошириш рухсатномаси талаб этилади.
Хабарда кўрсатилган манзил Озод Шарқ кўчасининг 1-йўлагида қурилаётган кўп қаватли уй-жойларга ичимлик суви ва оқова сув қувурига уланиш ишлари “Самира Бинокор” МЧЖ томонидан тегишли фармойиш, техник шартлар ҳамда ер қазиш ишларини амалга ошириш рухсатномаси асосида ташкил этилган.
Бошқарма мутахассислари томонидан “Самира Бинокор” МЧЖ раҳбари Т.Муртазоевга ушбу ер қазиш ишлари ҳайдовчилар ҳамда пиёдаларга ноқулайлик туғдираётганлиги сабабли ер қазиш ишларини тез фурсатда бартараф этиш бўйича тегишли кўрсатмалар берилди.
Шу ўринда, шаҳримиз аҳолисидан кўчаларда ер қазиш ишларига гувоҳ бўлишса, ободонлаштириш бошқармаси техник назоратчиси Муҳиддин Каримовга (98 273 23 21) мурожаат этишларини сўраймиз. Ўз вақтида қилинган мурожаат ер қазиш ишларининг қонунийлигини таъминлайди”.
