Ҳайдовчи бошқарув вақтида ухлаб қолган
Жорий йилнинг 25 март куни соат 07:10 ларда Денов туманидаги Шамолли маҳалласи ҳудудидан ўтувчи М-41 “Бишкек-Душанбе-Термиз” автомобиль йўлининг 1493 километрида туманнинг Янгиқишлоқ маҳалласида яшовчи Ж.Х. “Hyundai” русумли транспорт воситасида ҳаракатланаётиб ухлаб қолиш оқибатида бошқарувни йўқотган ва йўлдан чиқиб кетиб, дарахтга урилган.
Оқибатда ҳайдовчи Ж.Х. тан жароҳати олиб, воқеа жойида вафот этган.
"Ҳурматли ҳайдовчилар чарчоқ ҳолатида транспорт воситасини бошқармаслигингиз, ўзингиз ва ўзгалар ҳаётини хавф остига қўймаслигингизни сўраймиз", дейилади Ўзбекистон Республикаси ИИВ ЙҲХББ ахборот хизмати хабарида.
