Ikki kunda 457 nafar abituriyent test sinovlarida qatnashmadi

Kecha saytimiz orqali oliy ta’lim muassasalarida tahsil olish uchun ro‘yxatdan o‘tgan abituriyentlarning 310 (har bir navbatda 3060 nafardan) nafari test sinovlarida qatnashmagani va 5 nafari shpargalkadan foydalangani uchun imtihondan chetlatilgani haqida xabar qilgan edik.
Bugun imtihonga kelmaganlar soni kamaydi va 147 nafar (birinchi smenada 77 nafar va ikkinchi navbatda 70 nafar) abituriyent test sinovlarida ishtirok etmadi. Shuningdek, ikkinchi smenada testga kirgan abituriyentlarning 1 nafari shpargalkadan foydalangani uchun imtihondan chetlashtirildi.
Eslatib o‘tamiz, ertangi test sinovlarida ham ikki smenada jami 6120 nafar abituriyent test topshirishi rejalashtirilgan.