"Камаз" жарима майдонига кетди, айбдорлар қонунга рўбарў қилинди
Вилоят экология, атроф-муҳитни муҳофаза қилиш ва иқлим ўзгариши бошқармаси давлат инспекторлари ҳамда вилоят Миллий гвардия бошқармаси томонидан Тойлоқ тумани ҳудудида назорат рейд тадбирлари ташкил этилди.
Тадбир давомида туман ҳудудидан оқиб ўтувчи Зарафшон дарёсининг муҳофаза минтақасидан ерости бойлиги - қум-шағал аралашмасини "П/Т" корхонасига тегишли техника воситалари томонидан ноқонуний равишда юклаб олиб кетаётганлиги аниқланган.
Ҳолат бўйича айбдорларга нисбатан норуда фойдали қазилмалардан фойдаланиш қоидаларини бузганлиги учун тегишли ҳужжатлар расмийлаштирилиб, техникалар жарима майдончасига жойлаштирилган.
Айни пайтда мазкур ҳолатда жиноий аломатлари бўлганлиги сабабли ҳуқуқий баҳо бериш учун тегишли ҳужжатлар ҳуқуқни муҳофаза қилувчи органларига тақдим этилган.
