Каттақўрғонда алимент тўловини кечиктирган шахс 15 суткага қамалди
Мажбурий ижро бюросининг Каттақўрғон шаҳар бўлими иш юритувида бўлган суд буйруғига асосан қарздор Б.О.дан ундирувчи И.М. фойдасига вояга етмаган фарзанди учун алимент ундириш белгиланган.
Отанинг қарздорлиги 8 млн. сўмдан кўп бўлса-да, лекин тўловни амалга оширмаган. Олиб борилган ижро ҳаракатлари натижасида қарздорга нисбатан Маъмурий жавобгарлик тўғрисидаги кодексининг 47-(4)-моддасига асосан маъмурий иш қўзғатилиб, жиноят ишлари бўйича Каттақўрғон шаҳар судининг 2023 йил 27 сентябрдаги қарорига асосан 15 сутка қамоқ жазоси тайинланган.
