Миллий гвардия ходимлари дезинфекция қилишга сафарбар этилди
Бугун Самарқанд туманидаги Гулобод шаҳарчасида "Бирга курашамиз, бирга енгамиз" шиори остида эрта тонгдан дезинфекция ишлари амалга оширилди.
Самарқанд вилояти бўйича Миллий гвардия бошқармаси махсус бўлинмаси ҳарбий хизматчилари томонидан шаҳарчанинг марказий кўчалари, озиқ-овқат дўконлари, умумий овқатланиш масканлари, бекатлар ва кўп тармоқли тиббиёт шифохонасининг ён атрофи, чиқиндихоналар дезинфекция қилинди.
- Мазкур тадбир вилоятнинг барча ҳудудларида бўлиб ўтмоқда. Бу эса коронавирус инфекцияси тарқалишининг олдини олишга қаратилган энг асосий вазифалардан биридир, - дейди майор Жаҳонгир Пўлатов.
