Москва Давлат Университети дунё рейтингида 90-ўринда қайд этилди

01.04.2019 20:10
370
Хориж

Таҳлилларга кўра Ломоносов номидаги Москва Давлат университети(МДУ) дунё ОТМ лари рейтингида 90-ўринда қайд этилди ва дунёнинг энг яхши ОТМлари рейтингининг 100 талиги рўйхатига кирди.

Бу ҳақда дунёдаги мингдан ортиқ ОТМлар фаолиятини ўрганиб, баҳолаб чиққан QS World University Rankings таҳлилчилари маълум қилишди.

МДУ Россия ОТМлари орасида энг юқори рейтинг кўрсаткичига эга бўлиб бу рўйхатда 90-ўринни олди.

Санкт-Петербург Давлат Университети 235-ўринда қайд этилди.

Новосибирск Давлат Университети 244-ўринда, Томск Давлат Университети эса 277-ўринда қайд этилди.

Москва Давлат Техника Университети 299-ўринда, Москва Физика-Техника Институти 312-ўринда қайд этилди.

1000 талик рўйхатда умумий ҳисобда 26 та Россия ОТМлари жой олди.

QS нинг бу йилги рейтингида 1-ўринни АҚШнинг Массачусет технология институти эгаллади. У етти йилдан бери бу рейтингда биринчи ўринни ҳеч кимга бермай келаяпти. 2-ўринда Стэнфорд Университети, 3-ўринда Гарвард Университети, 4-ўринда Калифорния Технология Университети, 5-ўринда Оксфорд Университети жойлашди.

6-ўринда Кембридж Университети, 7-ўринда Швейцария Федераль Технология Институти, 8-ўринда Лондондаги Империя коллежи, 9-ўринда Чикаго Университети, 10-ўринда эса Лондондаги яна бир коллеж, Университет коллежи қайд этилди.