Паст Дарғомда ўқишга киритиб қўйишни ваъда қилган фирибгар ушланди

Бош прокуратура ҳузуридаги Департаментнинг Паст Дарғом тумани бўлими томонидан ўтказилган терговга қадар текширувда, фуқаро Д.Д. фуқаро О.Ш.ни қўшни Қозоғистон Республикасидаги университетлардан бирига ўқишга киритиб қўйиш эвазига 1 000 АҚШ долларини олганлиги аниқланган.

Д.Д. ушбу пуллар ҳисобидан 200 АҚШ доллари ва унга тегишли ҳужжатларни қайтарган. Бу ҳолат процессуал тартибда расмийлаштирилган.

Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.