Польшадаги Ядровий тадқиқотлар марказида ёнғин содир бўлди

Варшава ёнида жойлашган Ядровий тадқиқотлар миллий марказида ёнғин содир бўлди, деб хабар берди Польшанинг атом энергетикаси агентлиги сайти.

Ёнғин келиб чиққан марказда MARIA тадқиқотлар реактори фаолият кўрсатади. Ёнғин бартараф этилганидан сўнг воқеа жойида зарурий таҳлиллар ўтказилиши натижасида радиоактив заҳарланиш аниқланмади. Радиоактив монитаринг олиб борувчи автоматлашган тизим ҳам атроф-муҳитга радиоактив моддалар тарқалмаганини кўрсатди.