Polshadagi Yadroviy tadqiqotlar markazida yong‘in sodir bo‘ldi
Varshava yonida joylashgan Yadroviy tadqiqotlar milliy markazida yong‘in sodir bo‘ldi, deb xabar berdi Polshaning atom energetikasi agentligi sayti.
Yong‘in kelib chiqqan markazda MARIA tadqiqotlar reaktori faoliyat ko‘rsatadi. Yong‘in bartaraf etilganidan so‘ng voqea joyida zaruriy tahlillar o‘tkazilishi natijasida radioaktiv zaharlanish aniqlanmadi. Radioaktiv monitaring olib boruvchi avtomatlashgan tizim ham atrof-muhitga radioaktiv moddalar tarqalmaganini ko‘rsatdi.
