Путин ва Трамп учрашувига тайёргарлик тезлашиши мумкин. Суриядаги масжидда отишма. "Олтин қўлли" донор-одам вафот этди
🔹 Россия ва АҚШнинг навбатдаги учрашуви Форс кўрфазида бўлиб ўтиши мумкин. Музокараларнинг навбатдаги босқичига ҳозирданоқ тайёргарлик кўрилмоқда. Эслатиб ўтамиз, Россия ва АҚШ вакиллари ўртасидаги илк учрашув 18 февраль куни Саудия Арабистони пойтахти Ар-Риёдда бўлиб ўтганди. Кейинроқ икки давлат делегациялари Истанбулда учрашди, бироқ музокаралар тафсилот ва иштирокчилар таркиби ошкор этилмади.
🔹 Туркия Курдистон Ишчилар партияси (КИП) қуролини ташламаса, Туркия ҳарбий амалиёт бошлашини маълум қилди.
🔹 Япониянинг Ивате префектураси шимолидаги Офунато ўрмонини сўнгги 30 йилдаги энг йирик ёнғин қамраган.
🔹 АҚШда "Оскар-2025" мукофоти совриндорлари эълон қилинди. Шон Бейкернинг “Анора” қора комедияси “Энг яхши фильм” ва бундан ташқари олтита номинация бўйича бешта ҳайкалчани қўлга киритди. Бош роль ижрочиси Майки Медисон “Энг яхши актриса” деб топилди.
🔹 Суриянинг Хама вилоятида уюштирилган қуролли ҳужум оқибатида камида олти киши ҳалок бўлган, 12 киши яраланган. Қуролланган шахс мотоциклда маҳаллий масжид ёнидан ўтаётганда ўт очган. Жиноятчи қидирилмоқда.
🔹 Доналд Трампнинг айрим маслаҳатчилари келажакдаги тинчлик битимига Владимир Зеленскийнинг Украина президенти лавозимидан кетиши ҳақидаги бандни киритишни талаб қилмоқда. Бу борада АҚШ президенти жамоасига қараганда "қаттиқ қарашларга эга". "Мени лавозимдан четлатиш қийин, Украинадаги бўлажак сайловларда иштирок этишимга тўсқинлик каби", дейди Зеленский. Бугун эса Оқ уй Зеленский Украинада ўт очишни тўхтатишни рад этганини маълум қилди.
🔹 Шу кунлари Шанхай 1873 йилдан буён энг юқори ҳарорат қайд этди. Ҳаво ҳарорати 28°C гача кўтарилган, баъзи ҳудудларда 29°C дан ошган.
🔹 АҚШ янгиланган B61-12 ядровий бомбасини тўлиқ миқёсда ишлаб чиқаришни якунлади ва ядровий тўхтатиб туриш дастурида муҳим босқичга эришди.
🔹 Конгрессмен Брандон Гилл 100 долларлик банкнотда Бенжамин Франклинни Трамп билан алмаштиришни таклиф қилди. Бу биринчи бундай ғоя эмас: яқинда улар Трампни янги 250 долларлик банкнотга "жўнатмоқчи" эди.
🔹 Икки миллиондан ортиқ боланинг омон қолишига ёрдам берган донор Жеймс Харрисон Австралияда вафот этди. Унинг қонидан чақалоқлар ўлимининг олдини олувчи анти-резус иммуноглобулин ишлаб чиқарилган. Харрисон 2018 йилда, 81 ёшида охирги марта қон топширган. Жеймс Харрисон Австралия ордени билан тақдирланди, сўнгра энг кўп қон топширган шахс сифатида "Гиннеснинг рекордлар китоби"га кирди.
Г.Холдорова тайёрлади.
