Самарқанд давлат университети ҳарбий кафедраси фаолияти тугатилади

Бу ҳақда кеча университет ректори Рустам Холмуродов кенгаш йиғилишида эълон қилди.

Шунингдек, механика ва математика факультети бундан буён математика факультети, деб номланади. Иқтисодиёт ва бизнес факультети ҳам тугатилади.

- Иқтисодиёт ва бизнес факультети талабаларининг билим кўрсаткичи пастлиги боис ушбу факультетни ёпишга қарор қилдик, - деди университет ректори.

Қабул квоталари параметрларига кўра, Самарқанд давлат университетида 2020-2021 ўқув йили учун бакалавриат йўналишига 3325 нафар ўрин ажратилди. Шундан 763 нафари грант, 2562 нафари контракт асосида ўқишга қабул қилинади.

Хуршида ЭРНАЗАРОВА.