Samarqand davlat universiteti harbiy kafedrasi faoliyati tugatiladi
Bu haqda kecha universitet rektori Rustam Xolmurodov kengash yig‘ilishida e’lon qildi.
Shuningdek, mexanika va matematika fakulteti bundan buyon matematika fakulteti, deb nomlanadi. Iqtisodiyot va biznes fakulteti ham tugatiladi.
- Iqtisodiyot va biznes fakulteti talabalarining bilim ko‘rsatkichi pastligi bois ushbu fakultetni yopishga qaror qildik, - dedi universitet rektori.
Qabul kvotalari parametrlariga ko‘ra, Samarqand davlat universitetida 2020-2021 o‘quv yili uchun bakalavriat yo‘nalishiga 3325 nafar o‘rin ajratildi. Shundan 763 nafari grant, 2562 nafari kontrakt asosida o‘qishga qabul qilinadi.
Xurshida ERNAZAROVA.
