Самарқанд кўчаларида ўзбек тили қоидаларига зид реклама воситалари олиб ташланмоқда

Ўзбекистон Республикасининг "Давлат тили ҳақида" Қонуни ҳамда Вазирлар Маҳкамасининг "Ташқи реклама бозорини тартибга солиш тўғрисида"ги Қарорлари ижросини таъминлаш юзасидан Самарқанд вилоятида кўплаб ишлар амалга оширилмоқда.

Жумладан, М-37 халқаро магистрал йўлининг Иштихон туманидан ўтувчи қисми вилоят ва туман мутасаддилари билан ўрганилганда бир қатор қонун бузилиш ҳолатлари аниқланди. Фуқароларга тушунтириш ишлари олиб борилиб, маълум муддатда камчиликлар бартараф этилмаса, қонун ҳужжатларига мувофиқ чоралар кўрилиши таъкидланди. Бу каби ишлар вилоятда мунтазам олиб борилмоқда.