СамДУ талабалари учун иккита ўқув биноси, учта ётоқхона қурилмоқда

Самарқанд давлат университетида қўшимча 2 та ўқув бино қуриляпти. Улардан бири биология факультети биноси ёнида бунёд этилади. Ушбу бино биология факультети учун янги замонавий лабораторияга мўлжалланган.

- Бино қурилиши битгач, унга замонавий лаборатория жиҳозлари келтирамиз, - деди университет ректори Рустам Холмуродов. – Лаборатория биология факультети учун жуда муҳим. Насиб бўлса, талабалар ва ўқитувчилар орзу қилган лаборатория бўлади.

Иккинчи ўқув бино 1900 ўринли бўлиб, университет бош биноси ёнида қурилмоқда.

Бундан ташқари, талабалар учун 3 та замонавий ётоқхона қурилиши бошланган. Ушбу бинолар яқин ойларда битказилиши режалаштирилган.

Хуршида ЭРНАЗАРОВА.