Таркибида олтин бўлган рудаларни ноқонуний қазиб олиш билан шуғулланувчи яна бир жиноий гуруҳ аниқланди
ДХХ Самарқанд вилоят бошқармаси ҳамда вилоят ИИБ ходимлари билан ҳамкорликда Пахтачи туманида ўтказилган тезкор тадбирда таркибида олтин моддаси бўлган руда тошларни ноқонуний қазиб олиш билан шуғулланувчи жиноий гуруҳ аъзолари аниқланди.
Хусусан, Пахтачи туманида яшовчи икки нафар фуқаро яшаш хонадонларида таркибида олтин моддаси бўлган тахминан 920 кг. руда тошлар ҳамда бошқа ашёвий далиллар (тош тегирмон, «драбелка») аниқланиб, ҳужжатлар расмийлаштирилган.
Жумладан, ушбу рудаларни қайта ишлаш натижасида, 339 млн сўмдан ортиқ табиий газ ва электр энергияси талон-тарож қилинган.
Ҳозирда, ҳолат юзасидан жиноят иши қўзғатиш режалаштирилиб, суриштирув ҳаракатлари олиб борилмоқда.
