Трамп самолёти йўловчи лайнер билан тўқнашишига сал қолди
АҚШ президенти Дональд Трампнинг Британияга сафари вақтида унинг самолёти Нью-Йорк ҳаво ҳудудида йўловчи самолёти билан жуда яқин масофада учиб ўтди.
Bloomberg хабарига кўра, хавфли яқинлашувни авиадиспетчер пайқаган ва йўловчи самолёти экипажига курсини ўзгартириш буйруғи берилган. Шу орқали тўқнашувнинг олди олинган.
Маълумот учун, Трамп 16 сентябрь куни расмий ташриф билан Буюк Британияга борган. У АҚШ тарихида илк бор Буюк Британияга иккинчи марта давлат ташрифи билан келган президент бўлди. Илк бор у биринчи президентлик даврида – 2019 йилда ташриф буюрган.
Кеча Буюк Британия пойтахти кўчаларида АҚШ президенти ташрифига қарши минглаб одамлар намойишга чиқди. Намойишчилар қўлларида Фаластин байроқларини кўтариб, Ғазони озод қилишни, Исроилга қурол етказиб беришни тўхтатишни талаб қилмоқда.
