Ургутда чилангар-таъминотчи салкам 111 миллион сўмлик суюлтирилган газни ўзлаштирган
Ҳолат Бош прокуратура ҳузуридаги департаментнинг Ургут тумани бўлими томонидан ўтказилган терговга қадар текширувда аниқланган.
Аниқланишича, “Ургут тумангаз” газ тақсимлаш бўлими суюлтирилган газ хизмати чилангар-таъминотчиси сохта хужжатларни расмийлаштирган. Бу орқали аҳолига тарқатилиши лозим бўлган 110,7 миллион сўмлик суюлтирилган газни бошқа шахсларга сотиб юборган. Бу пул маблағларини ўзлаштириш йўли билан талон-торож қилган.
Ҳолат юзасидан ўзлаштириш ёки растрата йўли билан талон-торож қилиш ҳамда ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш билан боғлиқ жиноят иши қўзғатилган.
