Усмонхон Алимов Қўшработ туманидаги “Жўш Ота” жоме масжидига борди
Ўзбекистон мусулмонлари идораси раиси, муфтий Усмонхон Алимов ҳазратлари ва Дин ишлари бўйича қўмита раиси Абдуғофур Аҳмедов вилоят бош имом-хатиби Зайниддин Эшонқулов, вилоят ҳокими ўринбосари Д.Маматқулов ҳамроҳлигида Қўшработ туманидаги “Жўш Ота” жоме масжидида намозхонлар учун яратилган шарт шароитларни кўздан кечирди.
Ташриф аввалида Қуръони карим тиловат қилингач, масжид жамоаси билан суҳбат қилинди, намозхонларнинг таклиф ва мулоҳазалари тингланди.
Кейин муфтий ҳазратлари Бухоро вилоятига йўл олди.
ЎМИ Самарқанд вилояти вакиллиги матбуот хизмати.
