Вилоят ҳокими кубоги "СамДУ" жамоасига насиб этди

Бугун футзал бўйича ҳаваскор жамоалар ўртасида Самарқанд вилояти ҳокими кубогининг финал баҳси бўлиб ўтди. Финалда "Динамо" ҳамда "СамДУ" жамоалари бош соврин учун кураш олиб борди.
Учрашувда "Динамо" жамоаси ўйинчиси Шахрам Фахриддинов ва "СамДУ" жамоаси ўйинчиси Жаҳон Сайдуллаев рақиб дарвозасига биттадан гол уриб, ҳисобни тенглаштирди.
Пенальтилар сериясида “СамДУ” “Динамо”чиларни 2:0 ҳисобида мағлуб этди ва ҳоким кубоги университет жамоасига насиб этди.

Фахриддин ОБЛОНАЗАРОВ.