“Халқ билан мулоқот қилиб қишлоқ аҳолиси қандай оғир шароитда кун кечираётганига амин бўлдик”
Ўзбекистон Республикаси Олий Мажлиси Сенатининг ўн саккизинчи ялпи мажлисида маъруза қилган Сенат раиси Н.Йўлдошев ушбу фикрларни қайд этди, деб ёзмоқда ЎзА.
“Биз аҳолининг асосий қисми қишлоқ жойларда истиқомат қилиши боис, қишлоқ аҳли тўқ ва фаровон яшаса, бу жиҳат бутун мамлакат тараққиётининг кўзгуси бўлиши ҳақида кўп йиллар гапириб келдик. Бироқ, тан олиш керак, қишлоқ аҳлини қийнаётган муҳим муаммоларни комплекс ҳал этишга жиддий ёндашмадик. Халқ билан мулоқот давлат сиёсати даражасига кўтарилганидан кейингина биз қишлоқ аҳолиси қандай оғир шароитларда кун кечираётганига яна бир карра амин бўлдик”, деган Н.Йўлдошев ўз сўзида.
