“Xalq bilan muloqot qilib qishloq aholisi qanday og‘ir sharoitda kun kechirayotganiga amin bo‘ldik”
O‘zbekiston Respublikasi Oliy Majlisi Senatining o‘n sakkizinchi yalpi majlisida ma’ruza qilgan Senat raisi N.Yo‘ldoshev ushbu fikrlarni qayd etdi, deb yozmoqda O‘zA.
“Biz aholining asosiy qismi qishloq joylarda istiqomat qilishi bois, qishloq ahli to‘q va farovon yashasa, bu jihat butun mamlakat taraqqiyotining ko‘zgusi bo‘lishi haqida ko‘p yillar gapirib keldik. Biroq, tan olish kerak, qishloq ahlini qiynayotgan muhim muammolarni kompleks hal etishga jiddiy yondashmadik. Xalq bilan muloqot davlat siyosati darajasiga ko‘tarilganidan keyingina biz qishloq aholisi qanday og‘ir sharoitlarda kun kechirayotganiga yana bir karra amin bo‘ldik”, degan N.Yo‘ldoshev o‘z so‘zida.
