Хитой олтин қазиб олувчиларни қутқариш учун мавжуд имкониятларни ишга солмоқда

Хитойнинг Шандун вилоятидаги олтин конида портлаш содир бўлгач, 10 кун мобайнида ер остида қолиб кетган 12 кончини қутқаришга уриниш давом этмоқда. Бунинг учун Хитой 16 та профессионал қутқарув гуруҳи ва ўнлаб тиббиёт ходимларини жўнатди, деб хабар қилмоқда давлат оммавий ахборот воситалари.

10 январь куни Хитойнинг шарқий қирғоғидаги Янтай шаҳри чегарасидаги Хушань олтин конида содир бўлган портлашдан кейин 22 нафар кончи қамалиб қолган эди.

Бир ҳафта ўтгач, қутқарув ишлари давом эттирилишига умид билдирилган хабар олинганидан кейин камида 11 киши тирик эканлиги маълум бўлди. Улар билан ер остига етказиб берилган сув ўтказмайдиган телефон орқали гаплашишга муяссар бўлинди, деб хабар берди Qilu Daily вилоят расмий газетаси.

Қутқарув гуруҳи етакчиси Сун Сиченнинг журналистларга айтишича, 80 дан ортиқ фельдшер, диетолог, нейрохирург, травматолог ва психологлар шай турибди.

Содир бўлган воқеа туфайли маҳаллий ҳукумат хатти-ҳаракати давлат оммавий ахборот воситалари томонидан танқид қилинди ва иккита юқори лавозимли мансабдор ишдан бўшатилди.