Зойир Мирзаев Тошкент вилояти ҳокими этиб тайинлангани айтилмоқда

Бир қатор ОАВларда Зойир Мирзаевнинг Тошкент вилоятига ҳоким этиб тайинлангани эълон қилинмоқда. Жумладан, daryo.uz ўз манбаларига таяниб бу ҳақда хабар берди.

Шунингдек, Қашқадарё вилояти ҳокимлиги расмий каналида "вилоят фаоллари Зойир Мирзаевни янги лавозимга кузатгани" ҳақда хабар берилди.

Ҳозирча Тошкент вилоятидаги мазкур тайинлов ўзгариши ҳақида расмий маълумот эълон қилинган эмас.