75 yil ichida birinchi marta Yaqin Sharqda tinchlik o‘rnatilishi mumkin

Eronga qilingan hujumlar fonida Isroil Suriya va Livan bilan munosabatlarni normallashtirish bo‘yicha muzokaralarni boshladi. 

Bu Misr va Iordaniya bilan kelishuvlardan keyin Yaqin Sharqdagi eng muhim diplomatik siljish bo‘lishi mumkin, deb yozadi Bild gazetasi.

AQSh bu jarayonni qo‘llab-quvvatlaydi. Tinchlik muzokaralari Suriyada hukumat almashganidan va Livanda Hizbullohning mag‘lubiyatidan so‘ng mumkin bo‘ldi.

Bundan tashqari, Eron rejimining zaiflashuvi tufayli Tehronning bu mamlakatlardagi ta’siri pasayib bormoqda. Lekin asosiy to‘siq G‘azoda davom etayotgan urush. Keng miqyosdagi vayronagarchilik va minglab o‘limlar har qanday yangi kelishuvlarni sekinlashtirmoqda va arab dunyosida Isroilga qarshi kayfiyat to‘lqinini keltirib chiqarmoqda.

Donald Tramp “mamlakat barqarorlik va tinchlikka erishish yo‘lini qo‘llab-quvvatlash maqsadida” Suriyaga qarshi sanksiyalarni bekor qilish to‘g‘risidagi farmonni yaqinda imzoladi, deyiladi Oq uy xabarida.