Amerika Qo‘shma Shtatlari delegatsiyasi Samarqandda
Amerika Qo‘shma Shtatlari Qurolli Kuchlari Markaziy qo‘mondonligi qo‘mondoni, general Maykl Erik Kurilla boshchiligidagi delegatsiya Samarqandga tashrif buyurdi.
Mehmonlar nafaqat Samarqand shahrining tarixiy va diqqatga sazovor joylari bilan tanishdi, balki Urgut tumanida ham bo‘lishdi.
Qoratepa mahallasi hududidagi “Teshiktosh” tepaligida delegatsiya vakillari folklor jamoalari chiqishlari, urgutlik milliy hunarmandlar ijodidan bahramand bo‘ldi. Shuningdek, kamondan otish, o‘zbek milliy kurashi kabi etnosport turlari bo‘yicha musobaqalar guvohi bo‘lishdi.
