Belarus sirtdan 30 yilga ozodlikdan mahrum etilgan sobiq prezident Qurmanbek Bakiyevni Qirg‘izistonga qaytarishdan bosh tortdi
Belarus Oliy sudi hukmi siyosiy sabablarga ko‘ra ta’qiblar bilan bog‘liq bo‘lgani sababli sobiq prezident Qurmanbek Bakiyevni Qirg‘izistonga ekstraditsiya (davlat qonunlarini buzgan shaxsni xorijiy davlatga rasmiy ravishda topshirish) qilishdan bosh tortdi. Bu haqda «Kabar»ga Qirg‘iziston Respublikasi Bosh prokuraturasi ma’lum qildi, deya xabar beradi Azattyq Rýhy.
Nazorat organiga ko‘ra, sobiq prezident sudning 2016 yil 29 iyuldagi qarori bilan 2010 yil 7 aprel voqealari va boshqa jinoiy epizodlar uchun 30 yilga ozodlikdan mahrum etilgan edi.
Nazorat organi ta’kidlaganidek, ular Belarus Bosh prokuraturasiga Bishkek garnizoni harbiy sudi va Harbiy sudning ma’muriy huquqbuzarliklar bo‘yicha jinoiy ishlar bo‘yicha sudlov hay’ati hukmlarini tan olish va Belarusda ijro etish to‘g‘risida iltimosnoma yuborishdi. Shuningdek, Bosh prokuratura Bakiyevni jinoiy javobgarlikka tortish uchun ekstraditsiya qilish bo‘yicha to‘rtta so‘rov yuborgan.
Eslatib o‘tamiz, 2005 yilda Qirg‘izistonda prezident Asqar Aqayevning iste’fosini talab qilib, ommaviy muxolifat namoyishlari bo‘lib o‘tgan edi. Bu voqealar «Lola inqilobi» deb nomlandi. 2005 yil 24 martda Asqar Akayev o‘z xavfsizligi uchun mamlakatni tark etishga majbur bo‘ldi. Bosh vazir Qurmanbek Bakiyev muddatidan oldin prezidentlik saylovlarigacha muvaqqat davlat rahbari lavozimida ishlagan va saylovda g‘alaba qozongan. 2009 yil 23 iyulda mamlakatda yangi prezidentlik saylovlari bo‘lib o‘tdi va unda amaldagi davlat rahbari g‘alaba qozondi. Shu tariqa, Qurmanbek Bakiyev Qirg‘iziston prezidenti lavozimini ikkinchi muddatga – 2009-2014 yillarda egallagan.
2010 yil bahorida Qurmanbek Bakiyev iste’fosini talab qilib muxolifatning ommaviy namoyishlari boshlandi. 2010 yil 7 aprelda muxolifatchilar va Ichki ishlar vazirligi o‘rtasidagi to‘qnashuvlar qurolli inqilobga aylandi. Natijada Qurmanbek Bakiyev mamlakatni tark etishga majbur bo‘ldi. O‘sha yilning 19 aprelidan beri Qurmanbek Bakiyev Belarusda bo‘lib, prezident Aleksandr Lukashenko unga siyosiy boshpana bergan edi.
