Bir haftada 250 dan ortiq fuqaro “qizil pasport”ga ariza berdi
2022 yildan fuqarolarning xorijga chiqish biometrik pasportini davlat xizmatlari markazlari orqali ham olish imkoniyati yaratildi. Xo‘sh, fuqarolar bu qulaylikdan qanchalik xabardor? Yil boshidan buyon markazlarga nechta fuqaro murojaat qildi?
Davlat xizmatlari agentligi Samarqand viloyat boshqarmasi ma’lumotiga ko‘ra, 5 yanvardan 12 yanvargacha markazlarga jami 253 ta ariza kelib tushgan. 251 holatda 16 va undan katta yoshdagi fuqarolar xorijga chiqish biometrik pasport uchun ariza berishgan bo‘lsa, 2 holatda 16 yoshgacha bo‘lgan bolalar uchun xorijga chiqish biometrik pasport olishga ariza bilan murojaat etilgan.
Hozirgacha murojaatlar bo‘yicha pasportlar tarqatilganicha yo‘q.
