«Bir makon, bir yo‘l»: Ijodiy tanlov g‘oliblari aniqlandi
“Farg‘ona haqiqati”–“Ferganskaya pravda” gazetalari tahririyati hamda Xitoy Xalq Respublikasining O‘zbekistondagi elchixonasi 2023 yil oktyabr oyida “Bir makon, bir yo‘l”ni qurish, insoniyatning yagona taqdiri hamjamiyatini barpo etish: O‘zbekistondan nazar” publitsistik tahliliy maqolalar tanlovini e’lon qilgan edi.
Shundan buyon tahririyatga 40 ga yaqin maqola kelib tushdi va ularning aksariyati chop etildi. Ularda ikki mamlakatning siyosiy, iqtisodiy, madaniy aloqalari rivoji “Bir makon – bir yo‘l” tashabbusi doirasida tahlil qilingan. Respublikamiz Prezidenti Shavkat Mirziyoyev va Xitoy xalq Respublikasi Raisi Si Szinpinning davlat hamda amaliy tashriflari chog‘ida imzolangan shartnomalar ijrosi Markaziy Osiyoning dunyo hamjamiyatidagi o‘rni mutahkamlanib borayotgani dalillar bilan ochib berilgan.
2023 yilda O‘zbekiston – Xitoy o‘rtasidagi tovar aylanmasi 13,7 mlrd. dollarga yetgan bo‘lsa-da, 2024 yilda bu raqam 20 mlrd. dollardan oshishiga yaratilgan zamin asoslari ilmiy tadqiq qilingan.
Tanlovda ishtirok etgan mualliflar doirasi keng bo‘lib, ular orasida akademiklar, senatorlar, Oliy Majlis deputatlari, oliy o‘quv yurtlari rektorlari, siyosatshunoslar, ilmiy tadqiqot institutlari yetakchi xodimlari, taniqli yozuvchi va jurnalistlar bor.
Tanlov g‘oliblarini taqdirlash marosimida hay’at raisi, O‘zbekiston Milliy Axborot agentligi direktori Abdusaid Ko‘chimov so‘nggi yillarda O‘zbekiston – Xitoy munosabatlari yuksak darajaga chiqqanini ta’kidlab, “Farg‘ona haqiqati” gazetasi tahririyati tashkil etgan tanlov shu yaqinlikni yanada mustaxkamlashga xizmat qilishini ta’kidladi.
Xitoy Xalq Respublikasining O‘zbekistondagi elchisi Yuy Szyun endi nafaqat iqtisodiy munosabatlar, balki ma’naviy, ma’rifiy sohalarda, jumladan jurnalistika borasida yangi loyihalar amalga oshirilishiga to‘xtaldi.
Tadbirda so‘zga chiqqan senator Farmon Toshev, O‘zbekiston Tashqi ishlar vazirligining “Dunyo” axborot agentligi direktori Omonullo Fayzullayev, akademik Nurislom To‘xliyev, Farg‘ona davlat universiteti rektori, professor Bahodir Shermuhammadov, “Jahon adabiyoti” jurnali bosh muharriri Ahmadjon Meliboyev O‘zbekistonning ochiqlik tashqi siyosati mamlakat nufuzinigina oshirib qolmay, uning natijalari xalq farovonligiga xizmat qilayotganini, bu kabi tanlovlar esa ijodkor, jurnalistlar hamkorligini yanada mustahkamlaydi, dedi.
“Farg‘ona haqiqati” –“Ferganskaya pravda” gazetalari rahbari Muhammadjon Obidov farg‘onalik va xitoylik jurnalistlar o‘rtasidagi o‘zaro axborot almashuv loyihalari haqida gapirdi.
Tadbirda tanlov g‘oliblariga diplom hamda sovg‘alar topshirildi.
***
“Bir makon, bir yo‘l”ni qurish, insoniyatning yagona taqdiri hamjamiyatini barpo etish: O‘zbekistondan nazar” publitsistik tahliliy maqolalar tanlovi g‘oliblari ro‘yxati
O‘zbekiston Fanlar Akademiyasi akademigi
Salimov Oqil Umrzoqovich
bosh mukofot
“Jahon adabiyoti” jurnali bosh muharriri
Ahmadjon Meliboyev
1-o‘rin
“Mening yurtim” telekanali
1-o‘rin
O‘zbekiston Respublikasi Prezidenti Administratsiyasi huzuridagi iqtisodiy tadqiqotlar va islohotlar markazi bosh ilmiy xodimi, iqtisod fanlari doktori, professor
Odiljon Olimjonov
2-o‘rin
O‘zbekiston Fanlar Akademiyasi haqiqiy a’zosi (akademigi), iqtisod fanlari doktori, professor
Nurislom To‘xliyevni
2-o‘rin
O‘zbekiston Milliy teleradiokompaniyasi
“Yoshlar” telekanali
2-o‘rin
O‘zbekistonda xizmat ko‘rsatgan jurnalist, Oliy Majlis Senati a’zosi
Farmon Toshev
3-o‘rin
Farg‘ona davlat universiteti rektori, pedagogika fanlari doktori, professor
Bahodir Shermuhammadov
3-o‘rin
O‘zbekiston Respublikasi Oliy Majlis Qonunchilik palatasi deputati
Umid Jabborov
3-o‘rin
“Zamon.uz” internet nashri bosh muharriri
Sevara Alijonova
3-o‘rin
Qirg‘iziston Respublikasi axborot agentligi direktori
Azamat Kasimov
3-o‘rin
Siyosatchi, “Kun.uz” internet sayti kuzatuvchisi
Kamoliddin Rabbimov
rag‘batlantiruvchi diplom
O‘zbekiston Jurnalistika va ommaviy kommunikatsiyalar universiteti professori
Nazira Toshpo‘latova
rag‘batlantiruvchi diplom
Jurnalist
Abduaziz Xidirov
rag‘batlantiruvchi diplom
“Xalq so‘zi” – “Narodnoye slovo” gazetalari muharrir o‘rinbosari
Ruslan Kenjayev
rag‘batlantiruvchi diplom
