Android qurilmalar uchun Zarnews.uz mobil ilovasi. Yuklab olish x

Britaniya dunyodagi eng gavjum “Dubay-London” reysini yopdi

29 yanvardan boshlab Buyuk Britaniya hukumati Birlashgan Arab Amirliklariga to‘g‘ridan-to‘g‘ri yo‘lovchi parvozlarini taqiqlashni joriy qildi va shu bilan dunyodagi eng gavjum, xalqaro “Dubay-London” havo yo‘lini yopdi.

Bu Birlashgan Arab Amirliklari, Burundi va Ruanda davlatlari Janubiy Afrikada ilk bor aniqlangan o‘ta yuqumli va vaksinaga potensial chidamli COVID-19 shtammining tarqalishidan xavfsirashi natijasida yuzaga keldi.

Yemirates va Etihad Airways aviakompaniyalari juma kuni to‘g‘ridan-to‘g‘ri parvozlarni to‘xtatish to‘g‘risidagi qaror kuchga kirgandan so‘ng, Buyuk Britaniyaga barcha yo‘lovchi reyslarini grinvich bo‘yicha 13:00 (Toshkent vaqti bilan 18:00) dan to‘xtatishini e’lon qildi.

Dubay aeroportida Buyuk Britaniyaga reyslarni oldindan belgilab qo‘ygan yo‘lovchilarga taqiq kuchga kirgach, aeroportga kelmasdan o‘z aviakompaniyalari bilan bog‘lanishni tavsiya qildi.

G.Xoldorova tayyorladi.