Bugundan kasb-hunar maktablariga qabul boshlandi

Kasb-hunar egallash istagida bo‘lgan 9-sinf bitiruvchilarining hujjatlari 2021 yil 1 iyuldan 20 iyulga qadar onlayn tarzda kasb.edu.uz elektron platformasi orqali qabul qilinadi.

9-sinf bitiruvchilari quyidagi hujjatlarni topshiradilar:
- elektron ariza;
- umumta’lim maktabining 9-sinfni tugatganligini tasdiqlovchi shahodatnoma (elektron) nusxasi;
- 3x4 fotosurat.

Fuqarolar viloyat kasbiy ta’limni rivojlantirish va muvofiqlashtirish hududiy boshqarmasida qabul jarayonlari bo‘yicha tashkil etilgan “Call markaz”ga qo‘ng‘iroq qilib, o‘zlarini qiziqtirgan savollarga javob olishlari mumkin.

“Call markaz” telefon raqami: 95-411-44-00