Bulung‘urda hisobchi hamkasbining bank kartasidagi pullarni o‘zlashtirgan
Bulung‘ur tumanida yashovchi fuqaro R.J. IIBga ariza bilan murojaat qilib, noma’lum shaxslar bank kartasida mavjud bo‘lgan jami 1.040.000 so‘m miqdordagi pullarini yechib olinganligini bildirgan.
Tezkor-qidiruv tadbirlari natijasida ushbu jinoyatni R.J.ning hisobchi bo‘lib ishlovchi hamkasbi, 1990 y.t., S.Ch. sodir etganligi aniqlandi.
S.Ch. o‘z vakolatlaridan foydalanib, unda mavjud bo‘lgan R.J.ning bank kartasi ma’lumotlari orqali karta SMS-xabarnomasini o‘z telefon raqamiga ulab olib, boshqaruvni qo‘lga kiritib, bank ilovasi orqali pullarni o‘zlashtirganligi ma’lum bo‘lgan.
IIV Kiberxavfsizlik markazi xabariga ko‘ra, S.Ch.ga nisbatan Jinoyat Kodeksining 169-moddasi bilan jinoyat ishi qo‘zg‘atilib, tergov harakatlari olib borilmoqda.
