Chexiyada yo‘lovchi va yuk tashuvchi poyezdlar to‘qnashdi (video)

14 iyul kuni tunda Praga yaqinida yo‘lovchi va yuk tashuvchi poyezdlar to‘qnashgan va o‘nlab yo‘lovchi jarohatlangan. Bu haqda Associated Press agentligi xabar berdi.

Chexiya temir yo‘l inpeksiyasi bergan ma’lumotga ko‘ra, halokat Pragadan sharqiy hududda joylashgan Cheski-Brod stansiyasi yaqinida mahalliy vaqt bilan taxminan soat 21:30 (02:30 Toshkent vaqti)larda sodir bo‘lgan. Yo‘lovchi tashish poyezdi to‘xtab turgan yuk tashish poyezdiga kelib urilgani aytilmoqda.

Hududiy qutqaruv xizmati bergan ma’lumotga ko‘ra, taxminan 60 kishi jarohatlangan. Jarohatlanganlar yaqin atrofdagi kasalxonaga yetkazib borilgan. Halokat oqibatida bir kishi vafot etgan, 4 nafar yo‘lovchining ahvoli og‘ir.
Halokat sabablari o‘rganilmoqda.