Android qurilmalar uchun Zarnews.uz mobil ilovasi. Yuklab olish x

Chexiya siyosiy inqiroz yoqasida: Prezident Zeman kasalxonaga yotqizildi

Prezident Milosh Zeman Bosh vazir va ANO (avtonom notijorat tashkilot) harakati rahbari Andrey Babish bilan uchrashgandan so‘ng kasalxonaga yotqizilgan. Hozir u Pragadagi Markaziy harbiy gospitalda.

Zemanning davolovchi shifokorining so‘zlariga ko‘ra, bu surunkali kasallik asoratlari tufayli yuz bergan.

Ma’lumki, 77 yoshli prezidentda oyoq nevropatiyasi kasalligi bor. Bu kasallik tufayli u yaqinda nogironlar aravachasiga o‘tirdi va ommaviy axborot vositalarida yozilishicha, uning jigarida ham jiddiy muammolar paydo bo‘lgan.

Ayni paytda saylov g‘oliblaridan qaysi biriga hukumat tuzish ishonib topshirish Zemanga bog‘liq.

Babishning hukmron partiyasi parlament saylovlarida muxolifatning "Birga" koalitsiyasiga 0,6 foiz farq bilan yutqazdi. Shu bilan birga, ANO markazchilik harakati parlamentning quyi palatasidagi 200 deputatlik mandatidan 72 tasini, "Birgalikda" koalitsiyasi esa 71 tasiga ega bo‘ldi.

Andrey Babish ham, "Birga" koalitsiyasi tomonidan ko‘rsatilgan fuqarolik demokratik partiyasi rahbari Petr Fialu ham hukumatni boshqarishga tayyor ekanliklarini bildirishdi.

Chexiyaliklar o‘tgan saylovlarning kutilmagan natijasi va mamlakatdagi vaziyat haqida shunday fikrda:

- Men juda xursandman, chunki bu o‘tgan asrning 90-yillaridan beri ma’lum bo‘lgan siyosatga va 1989 yil noyabrda biz boshlagan barcha yaxshi narsalarga qaytishdir.

- Rostini aytsam, nima kutishni ham bilmayman. Lekin, menimcha, Babish ozchilik hukumatni tuzishga harakat qiladi va bunda «suvdan quruq» chiqa oladimi, aytish qiyin. Ko‘ramiz. Prezident qanday qarorga kelishini oldindan aytib bo‘lmaydi, chunki hozir uning roli hal qiluvchi ahamiyatga ega.

Zemanning davolovchi shifokori so‘zlariga ko‘ra, davlat rahbari kasalxonada qancha vaqt qolishi noma’lum, bunga bir necha hafta kerak bo‘lishi mumkin.