Davlat mukofotlari topshirildi

Viloyat hokimligida Prezidentimizning tegishli farmonlariga muvofiq mamlakatimiz mustaqilligining o‘ttiz to‘rt yilligi arafasida davlatimizning yuksak orden va medallari bilan taqdirlangan bir guruh yurtdoshlarimizga ana shu mukofotlarni topshirish marosimi bo‘lib o‘tdi.

– Yangi O‘zbekistonda amalga oshirilayotgan islohotlar samaradorligida, xalqimiz turmush farovonligi, hududlar obodligini ta’minlashda har biringizning munosib hissangiz bor, - dedi marosimda viloyat rahbari Adiz Boboyev. – Sanoat, qurilish, xizmatlar ko‘rsatish, qishloq xo‘jaligi, tibbiyot, ta’lim va boshqa ijtimoiy sohalarning izchil rivojlanishida fidoyilik namunalarini ko‘rsatmoqdasiz. Ana shu jonkuyarligingiz bugun eng ulug‘, eng aziz bayramimizda munosib e’tirof etilmoqda. Bunday e’tibor va ishonch bilan sizlarni tabriklab, kelgusi ishlaringizga ham omad tilayman.
Tadbirda Adiz Boboyev davlat mukofotlariga sazovor bo‘lgan 17 nafar turli soha vakillariga unvon, orden va medallarni tantanali ravishda topshirdi.
O‘z navbatida mukofotlanganlar nomidan so‘zga chiqqanlar yuksak e’tirof va e’tibor uchun o‘zlarining minnatdorligini bildirdi.