Diqqat! Ertaga Samarqand shahrida quyidagi ko‘chalarda transport vositalarining harakati vaqtincha to‘xtatiladi
“1-iyun Xalqaro bolalarni himoya qilish kuni” munosabati bilan, Samarqand shahrida bayram tadbirlari o‘tkaziladigan hududlarda jamoat tartibini saqlash hamda yo‘l harakati xavfsizligini taminlash maqsadida, Samarqand shahrining quyidagi ko‘chalarida:
Soat 07:00 dan 09:00 gacha:
- Viloyat musiqali drama teatri oldidan Bo‘stonsaroy ko‘chasi bilan Mirzo Ulug‘bek ko‘chasi kesishmasidan Dinamo o‘yingohigacha piyoda yurish marafon davomida.
Soat 15:00 dan 23:00 gacha:
- A.Jomiy ko‘chasining O‘zbekiston ko‘chasi kesishmasidan A.Temur ko‘chasi kesishmasigacha ;
- A.Temur ko‘chasining A.Jomiy ko‘chasi kesishmasidan Shoxruxmirzo ko‘chasi kesishmasigacha bo‘lgan qismida transport vositalarining harakati vaqtinchalik to‘xtatiladi.
Vaqtinchalik noqulayliklar uchun uzr so‘raymiz, deb xabar bermoqda Samarqand shahar hokimligi axborot xizmati.
