DXM Past Darg‘omdagi oilalarga yordam berdi
Davlat xizmatlari agentligi Samarqand viloyati boshqarmasi hamda Past Darg‘om tumani Davlat xizmatlari markazi xodimlaridan iborat ishchi guruhi tumandagi Saribosh, Galatut, To‘qboy, Gumbaz hamda Istiqbol mahallalarida bo‘lib, aholining turmush tarzi bilan tanishdi.
O‘rganish natijasida Galatut MFYda yashovchi fuqaro Jamshid Musurmonovga homiylik hisobidan 2 ta qo‘y olib berildi.
Gumbaz MFYda yashovchi fuqaro Ikrom Musurmonovning o‘g‘li Akmal Soliyevni muqim ish bilan ta’minlash maqsadida Past Darg‘om tumani Davlat xizmatlari markaziga qorovul vazifasiga ishga qabul qilinishi belgilandi.
